Huduma za maji

                                                                     SEKTA YA MAJI

TAARIFA YA MIRADI YA MAJI MKOA WA MOROGORO 

Hali ya Huduma ya Maji Vijijini

Hadi kufikia mwezi Januari, 2019 asilimia 68.87 ya wakazi waishio Vijijini katika Mkoa wa Morogoro wanapata huduma ya majisafi na salama kupitia miradi ya maji iliyopo, ambapo utekelezaji wa Programu ya Maendeleo ya Sekta ya Maji nchini umewezesha ujenzi  wa jumla ya miradi 69 katika vijiji 95. Miradi 52 katika vijiji 68  imekamilika na miradi 17 katika vijiji 27 utekelezaji wake unaendelea katika Halmashauri za Morogoro Manispaa (1), Malinyi (1), Kilosa (1), Mvomero (6), Ulanga (1), Morogoro Vijijini (2), Ifakara (2), na Gairo (3).

Hali ya upatikanaji wa huduma ya maji katika kila Wilaya kwa maeneo ya vijijini ni kama inavyoonekana kwenye Jedwali Na. 1.

Jedwali Na. 1: Hali ya upatikanaji wa huduma ya maji Vijijini katika kila Wilaya

Ujenzi wa Miradi Mingine ya Maji Vijijini

Miradi inayotekelezwa kupitia Halmashauri na Wadau wengine wa Maendeleo

Katika mwaka 2018/2019, Serikali ya Mkoa imepanga kuendelea  na juhudi nyingine mbalimbali za ujenzi wa miradi ya maji vijijini. Juhudi hizo ni zile zinazofanyika kupitia vyanzo mbalimbali vya fedha. Vyanzo hivyo ni pamoja na Halmashauri, Ruzuku ya Serikali kuu na Wadau mbalimbali waliopo katika Mkoa wetu na hata wa nje ya Mkoa. Juhudi hizo zinachangia katika kuinua kiwango cha upatikanaji wa huduma ya maji. Jedwali Na. 4 linaonesha miradi ya maji itakayojengwa kwa kutumia vyanzo vya mapato vya Halmashauri na taasisi mbalimbali katika Mkoa.

Jedwali Na. 4: Miradi inayotekelezwa na Halmashauri pamoja na taasisi mbalimbali mwaka 2018/2019.

Kukamilika kwa miradi inayotekelezwa kupitia Program ya Maji pamoja na ile ya Wadau wengine wa mMaendeleo katika mwaka wa fedha 2018/2019 kumeongeza upatikaji wa huduma ya maji safi na salama vijiji kutoka asilimia 68.49 mwezi Juni, 2018 hadi kufikia asilimia 68.87 Januari, 2019.

Fedha za utekelezaji wa Programu ya Maji na Usafi wa Mazingira Vijijini 

Upungufu wa wahandisi na mafundi sanifu kwa ajili ya usanifu, usimamizi na uendeshaji wa miradi. Mkoa una wahandisi 14, mahitaji halisi ni wahandisi 35, upungufu wa wahandisi 21. Mkoa una mafundi sanifu 24, mahitaji 74 na upungufu wa mafundi sanifu 50.

 Ufanisi mdogo wa vyombo vya watumia maji na hivyo kuathiri uendelevu wa miradi ya maji vijijini

Baadhi ya taasisi za serikali kutolipa gharama za maji kwa wakati hivyo kufanya Vyombo vya Watumia maji kushindwa kufanya kazi kwa ufanisi kutokana na upungufu wa mapato kulinganisha na gharama za uendeshaji wa mradi.

Uchafuzi wa vyanzo vya maji unaofanywa na wakulima na wafugaji kwenye vyanzo vya maji na kusababisha magonjwa ya mlipuko.

Wizara kuchelewesha malipo ya hati za wakandarasi

5.0       MIKAKATI YA UBORESHAJI WA HUDUMA ZA MAJI MKOANI

Kufanya utafiti wa vyanzo vipya vya maji na kuhamasisha uvunaji wa maji ya mvua na ujenzi wa mabwawa madogo.

Kushirikisha taasisi za dini na sekta binafsi katika utoaji wa huduma ya maji – kuunga mkono nguvu za Serikali katika kukabiliana na uhaba mkubwa wa huduma za maji uliopo hususani maeneo ya vijijini.

Kuweka ulinganifu/ usawa wa rasilimali watu kwa kuwahamisha kutoka maeneo yenye unafuu kwenda penye upungufu mkubwa zaidi ndani ya Mkoa na kuendelea kuomba vibali vya kuajiri watumishi wapya toka Ofisi ya Rais Menejimenti ya Utumishi wa Umma.

Mpango wa kuvijengea uwezo vyombo vya watumia maji (COWSO’s) kwa kushirikiana na halmashauri kwa kufanya mafunzo na kuvipatia vitendea kazi ili kuboresha utendaji kazi wao.

Mkoa kwa kushirikiana na ofisi za Maji umechukua hatua mbalimbali za utunzaji wa rasilimali maji kwa kuzuia shughuli za kibinadamu kwenye vyanzo vya maji pamoja na kusimamia sheria za utunzaji rasilimali maji. Moja ya shughuli hizo ni kuondoa mifugo kwenye vyanzo vya maji katika milima ya Uluguru kwenye Bonde la Wami/Ruvu.

Kuhimiza upandaji miti na utunzaji wa vyanzo vya maji kupitia kamati za Usafi wa Mazingira zilizopo vijijini.

Jedwali Na. 3:      Jedwali linaloonesha Utekelezaji wa Miradi ya Maji kwa kila Halmashauri 2018/19

Utafutaji wa vyanzo vya Maji (Uchimbaji Visima Virefu) kwa kila Halmashauri 2018/19