Pembejeo zilipatikana vizuri katika maduka ya mawakala wa pembejeo walioko mjini. Pembejeo zenye ruzuku pia upatikanaji wake ulikuwa mzuri, wakulima walipata mahitaji yao kupitia mawakala.

Pembejeo za ruzuku zilizopatikana ni mbolea aina ya urea tani 76, DAP tani 20 na mbegu za mahindi 2.2. Ambazo zilinunuliwa na mawakala na kuuzwa kwa wakulima. Wakulima walipata pembejeo kupitia mawakala waliopo vijijini na mjini.Vile vile wakulima katika vijiji 15 vya wilaya waliweza kuzalisha mbegu bora za mahindi tani 10 na kuwauzia wakulima wenzao kwa bei nafuu .Hii iliwezekana baada kupata mafunzo ya kuzalisha mbegu bora chini ya mradi wa ASDP.

Halmashauri ya wilaya ina jumla ya vyama vya ushirika vya kuweka na kukopa vilivyoandikishwa kumi na vinne vyenye jumla ya wanachama 4,232 na jumla ya hisa Tsh. 141,691,365/= na akiba ya Tshs 1,124,030,232/= pamoja na amana zenye thamani ya jumla ya Tsh. 267,235,454/=.
Vilevile halmashauri ina vyama vya mazao vitatu ambavyo hununua na kuuza mazao.

Halmashauri ya Wilaya inayo madarasa ya Elimu ya Awali 122 (mia moja na ishirini na mbili) yanayoendeshwa chini ya Usimamizi wa shule zetu za Msingi Wilayani kati ya madarasa hayo darasa 1 linasimamiwa na kanisa Katoliki Mikese. Jumla ya wanafunzi 4,868 wakiwemo wavulana 2,443 na wasichana 2,425 wanasoma katika madarasa hayo. Mara wamalizapo Elimu hiyo hujiunga na Elimu ya Msingi.

Shule zilizobaki 23 hazijaanzisha nadarasa ya elimu ya awali kutokana na sababu zifuatazo:

•  Uhaba wa waalimu shuleni

•  Mwitikio hafifu wa wananchi katika uanzishaji wa madarasa ya elimu ya awali

Halmashauri ya Wilaya ya Morogoro ina shule za msingi 144 (mia moja arobaini na nne) zinazomilikiwa na Serikali na Shule moja inayomilikiwa na shirika la dini hivyo kuifanya wilaya kuwa na jumla ya shule 145 (mia moja arobaini na tano) za msingi.Katika shule hizo 145 za msingi wapo jumla ya wanafunzi 63,352. Katika Idadi hiyo wasichana ni 30,008 na wavulana ni 33,344.

Jedwali lifuatalo linaonyesha hali ya uandikishaji wa wanafunzi wa darasa la kwanza 2005 – 2008.

Upatikanaji wa Maji
Wakazi wa Halmashauri ya Wilaya ya Morogoro wanapata huduma ya maji kutoka katika vyanzo vya maji kutoka vyanzo mbalimbali ambapo inasimamiwa na Halmashauri ya Wilaya. Vyanzo hivyo ni miradi ya Maji mserereko, visima virefu, visima vifupi, mabwawa mito pamoja na miradi ya uvunaji maji ya mvua.

Mahitaji halisi ni lita za ujazo 7.918 milioni kwa siku, wakati kiasi halisi cha maji kinachopatikana ni lita za ujazo 4.909 milioni kwa siku sawa na asilimia 62 tu ya wakazi wa Halmashauri ya Morogoro wanaopata huduma ya maji safi na salama karibu na makazi yao umbali usiozidi mita 400.

Kiasi hiki kimeongezeka kutoka lita 2.455 milioni kwa siku mwaka 2004 hadi kufikia liata za ujazo 4.909 milioni kwa siku, ongezeko hilo ni sawa na asilimia 50. Ongezeko hili limetokana na juhudi za Halmashauri kwa kushirikiana na Wafadhili na wananchi kuongeza idadi ya visima na miradi ya maji ikilinganishwa na idadi iliyokuwepo kwa mwaka 2000

• Kuboresha huduma ya maji safi na salama kwa kushirikiana na Wizara ya maji.
• Mashirika yasiyo ya kiserikali (NGO's), Makampuni binafsi na ya Kiserikali, Taasisi za Kiserikali (DDCA) na zisizo za Kiserikali pamoja na wadau mbalimbali.
• Kuendelea kutafuta na kuvutia wafadhili katika miradi ya maji ili tuweze kuboresha na kuifanyia matengenezo miradi iliyoharibika hasa ya mserereko ambayo inatoa matokeo haraka na inaweza kuhudumia vijiji zaidi ya kimoja.(Quick wins )
• Kuendesha miradi ya maji ya jamii kwa kutumia jumuia za watumiaji maji. (WUA) zilizosajiliwa kisheria au mawakala.
• Halmashauri kupitia timu ya uhamasishaji masuala ya maji na usafi wa mazingira ya wilaya (DWSST) kwa kushirikiana na shirika la EEPCO pia WATSANET imeweza kuunda na kusajili jumuiya mbili (2) za watumia maji (WUA) kati ya 6 zilizohitajika. Hata hivyo jitihada za kukamilisha jumuiya zilizobaki zinaendelea pamoja na kuhamasisha vijiji vingine vinavyotumia kamati za maji kuweza kubadili mfumo wa uendeshaji.
• Kuhakikisha kuwa vyombo vinavyoendesha miradi ya maji jamii vinapatiwa mafunzo juu ya usimamizi na uendeshaji ili miradi hiyo iwe endelevu.
• Kuhamasisha jamii juu ya utunzaji wa vyanzo vya maji na usafi wa mazingira.
• Kutoa elimu kwa jamii juu ya utaratibu na kanuni za uchimbaji visima ili kudhibiti uchimbaji holela, pia kudhibiti matumizi ya maji kwa kuwapatia Water right wale wanaovuna maji zaidi ya kiwango kilichowekwa na Wizara.

Idadi ya Wafugaji na Mifugo
Wilaya ya Morogoro ina jumla ya wafugaji 3,263 wanaomiliki mifugo kama ifuatavyo: Ngo'mbe wa kienyeji 133,967 ng'ombe wa maziwa 2,527 Mbuzi 28,986, Kondoo 14,200, Nguruwe 453, Kuku wa asili 431,782, Bata 2,029 Mbwa 2,011.

Utengaji Maeneo ya Ufugaji
Wilaya inaendelea na kazi ya kutenga maeneo ya malisho katika Vijiji vya Kongwa, Tulo, Kisaki Kituoni, Mikese, Kisanga Stendi, Seregete A na B pamoja na Mvuha. Lengo ni kupunguza migogoro ya Wakulima na Wafugaji katika maeneo hayo.

Hali ya Mifugo
Hali ya mifugo kiafya ni nzuri. Malisho na maji yanapatikana japo yamepungua kwa kipindi hiki kutokana na ongezeko kubwa la mifugo iliyovamia katika maeneo mbalimbali wilayani.

Shughuli za Maendeleo ya Mifugo zinazotekelezwa:
Shughuli zinazotekelezwa katika kuboresha maendeleo ya mifugo ni:-

Huduma za Mifugo

a) Majosho
Wilaya ina jumla ya majosho 8 yote yanafanya kazi. majosho 2 ya watu binafsi na 2 ya taasisi za serikakali na majosho 4 yanayomilikiwa na jamii katika vijiji vya Kisanga stendi,Diguzi,Kongwa na Tununguo.

b) Malambo
Wilaya ina jumla ya malambo 4 kati ya hayo malambo 3 yanafanya kazi na 1 halifanyikazi

c) Uboreshaji mifugo

(i) Matumizi ya madume bora
Wilaya inaendelea kufanya uboreshaji wa kuku, mbuzi, na ng'ombe kwa kusambaza majogoo, madume bora ya ng'ombe na mbuzi kwenye Vijiji vya Kata za Mikese,Mvuha na Ngerengere.

Unenepeshaji Ng'ombe
Wafugaji wengi wamezoea kuuza mifugo yao bila ya kunenepesha, kwa msimu wa 2008 /2009 Wilaya imelenga kufundisha jumla ya wakulima 30 kutoka vijiji vya Kongwa,Tulo na Diguzi, kila kijiji wafugaji 10 juu ya utaalamu wa unenepeshaji wa ng'ombe. Kila baada ya miezi mitatu ng'ombe 100 watakuwa wamenenepeshwa na kuuzwa hivyo kuongeza tija kwa wafugaji na kuondoa tabia ya kuchunga badala ya kufuga.

Mashamba ya mifugo
Mashamba ya mifugo yaliyopo Wilayani ni 4 na yanajumuisha ranchi za uzalishaji wa mifugo (LMU) Magereza pamoja na mashamba ya watubinafsi ya watu binafsi na serikali

•  Hali ya Viwanda
Kitengo cha Viwanda na Biashara na Masoko kinatoa huduma kwa wafanya biashara wenye lengo la kuanzisha na kuwekez biashara za aina mbalimbali katika Halmashauri ya Wilaya ya Morogoro, zenye mwelekeo wa kiviwanda, na biashara nyinginezo.

Tangu mwaka 2005 hadi Novemba 2008 kumekuwa na ongezeko la huduma mbalimbali za kibiashara kutokana na upatikanaji wa mitaji kama ilivyoainishwa kwa kigezo cha miaka tofauti.

Matumizi ya Vipimo Halali
Katika kutekeleza agizo la matumizi ya vipimo halali kama ilivyoelezwa katika sheria Namba 20 ya mwaka 1982 katika maeneo mbalimbali ya biashara Halmashauri ya Wilaya ilichukua hatua ya kuwaandikia Uongozi wa Kata zote kusisitiza matumizi ya vipimo halali katika biashara.

Vilevile wakala wa Vipimo wa Mkoa ametekeleza agizo la ukaguzi wa vipimo katika maeneo mbalimbali ya biashara ili kuzuia matumizi ya vipimo visivyo sahihi.